خمس سنين!

- يابني انت في سنة كام دلوقتِ؟ خامسة؟ تمام.. حلو، فاضلك ساتة، وبعدين ثلاث سنين إعدادي آدي أربعة، وبعدين ثلاثة زيهم ثانوي آدي سبعة، وبعدين أربع ولا خمس سنين كلية، آآآآآآآدي اتناشر يا عم.. اتناشر سنة يابني وتخلص من المذاكرة والمدرسة والكلام ده.. فرفش بقى!

-- محسسني إن اتناشر سنة دي كأنها أسبوع مثلًا..!

- أسبوع؟!! يابني ده الثورة أديلها خمس سنين أهو!! خمس سنين يلا!! حسيت بهم؟! ها؟!

-- أنت حسيت بهم؟

- أنا آه حسيت بهم، حسيت بهم أوي الصراحة..