إحنا آسفين يا "طوارئ"..

شوفتوا بقى "الطّــوارئ" كانت حامياكو من إيه؟ شعب وَغْد.. شوف يا أخي.. أول ما لغينا الطّوارئ بنك إتش إس بي سي انسرق، وصرافة مش عارف مين اتلطشت.. وآخرها أحداث بورسعيد الدمويّة.. عشان بس متقولوش حرمناكو من حاجة.. بعد كده تبقوا تسمعوا الكلام وانتو ساكتين.. مصر مستهدفة.. والحكومة مستهدفة.. ومجلس الشعب مستهدف.. حذار من الفلول.. واللي بيشكّك في أداء الشرطة.. مش حقول له غير شوف أداء الشرطة في أحداث امبارح كان إزاي.. مدير الأمن من كتر ثقته في جهاز الشرطة محضرش الماتش أساسا.. والمحافظ مكنش له في الكورة أوي فمحضرش عادي.. وضباط الداخلية من ثقتهم المبالغ فيها في نفسهم حاطّوا إيديهم في جيوبهم، والعساكر حيارى مش عارفين يعملوا إيه ولا إيه؟ ما هو برضه ضبّاطهم واثقين فيهم فمكانوش بيدّوهم تعليمات..

وبعد كده تقوللي.. كلام فارغ!

عابوكو بقى!