بخصوص الفيلم التافه لأصحابه التافهين..

هو أي حد يرقع أي بُق في أي حتة هوب سكالوب نسخَن ويلا باععععع وكده..؟

هو إيه علاقة السفارة الأمريكية بموضوع الفيلم التافه ده؟..

إيش حال إن السفارة الأمريكية طلعت بيان استنكرت الفيلم!! 

ناس عملوا فيلم على أرض أمريكا واتنشر.. وفيلم تافه أصلًا وميستحقّش تتجاب سيرته ولا حييجي على عشرتلاف من اللي اتقال على الرسول الكريم، مال الحكومة الأمريكية بالموضوع؟

وبعدين هو داللي حارقكم من أمريكا يعني؟ 

إنما احتلالهم للعراق وأفغانستان وقتلهم بتاع مليون واحد ودعمهم للكيان الصهيوني ده قشطة مفيش مشاكل..

وتحكّمهم في سياسات الدول لإفقار الشعوب وتأييدهم المستمر لطغاة العالم - طالما في صالحهم - ده برضه بيس مفيش مشكلة..

نسخن بقى ونشيط على فيلم تافه ويكون مالهومْش دعوة بيه أساسًا..

بجد لو ناس تقصد تشويه التيار الإسلامي أو من ينتسبون للإسلام السياسي مش حيعرفوا يعملوا أحسن من كده..

مبروك الوقوع في مصيدة: العش، والاشتراك في فيلم: أديك في العش تقول معلش!