بصرف النظر عن الحوار الوطني لإعادة المخطوفين ولا لقاء شيخ الأزهر فاكِس نالوا من الحديث ما نالوا واتعمل حفلات كفاية على حِسِّهم بس اللي نقدر نجزم به فعلًا إنه وصدقـًا من قلبي، الموقف اللي فيه مُرسي ده يصعب.. أي اختيار حيعمله حيتلام عليه فحت، الفكرة إنه صراحًة متخَبْوَر خوابير لوز من الحقبة اللي فاتت فعلًا مالوش يد فيها.. وباين أوي إن البلد ليها ريِّسين وإنه مش عارف يخلي ولاء الجيش كأوامر وخلافه له غير على الورق..
لو رسيوا على إنهم يدَّخلوا بالقوة ويحاولوا ينقذوا الرهائن، فمتوقَّع فحت إن الرهاين يموتوا.. ويبقى بس كسب إنه الناس اللي هناك تبقى عارفة إن الدولة دراعها مش مبيتلويش- حتة كمال الشناوي - بتصرف زي ده وعادي جدًا حتدِّخل والكل يموت والجنود المُختطفين لما يموتوا حيبقى شُهداء وقُضيت!
وطبعًا لا يمكن يكون أحسن الحلول، بس ما العمل لو دي إمكانياتك وده آخرك؟!
الناس متخيِّلة إن مصر فيها فرق إنقاذ على شاكلة الكوماندوز الأمريكاني ولا الفرنساوي حيشفلح الخاطفين ويسلِّك منهم المخطوفين من غير ما يتخدشوا!
وفي نفس الوقت لو قرَّر يسايس ويفاوض شُكرًا مش حتبقى أول ولا آخر مرة يتخطف فيها جنود، بل ممكن يبقى الهجوم على كماين الأمن والسجون اللي في سينا والقوات اللي هناك أمر مستساغ جدًا! هو already بيحصل بس حتبقى دَرمغة فعلًا!!
ونرجع نقول أساس المشكلة فين؟ ماهو الموضوع ده له سبب.. ممكن أوي يكون الخاطفين مزقوقين من برَّة فعلًا.. وارد.. خاصًة إن الفيديو بتاع المخطوفين ده بيرمي في السِّكَّة دي.. لكن ده مينفيش إن السبب الحقيقي اللي ورا القرف اللي في سينا ده إنها بقت مشاع وصحرا مستباحة بسبب اتفاقية كامب ديفيد وما تلاها من تفاهمات وغيره..
بصراحة اللي حصل في سينا ده على مدى الثلاثين ولا الأربعين سَنة اللي فاتوا ميتوصَّفش غير خيانة.. إزاي لحد دلوقتي بنعتبر سُكان سينا اللي هناك غيرنا وناس تانية مش مصريِّين وبيتفحتوا عند كل حدث يحصل هناك..
مش معتبرين سينا غير في المنتجعات السياحية وخلاص، إنما تنمية حقيقية تخلي الناس تزحف على هناك مفيش.. مستشفيات للأهالي هناك يروحولها مفيش غير بطلوع الروح! جامعات عِدلة حِلِّلي لسة قرار جامعة سينا طالع أُدامها بتاع أربع سنين عشان تبتدي تطلع خريجين بعدهم كام سنة عشان يؤثروا في سينا نفسها ويعمَّروها..
ربنا يفُك كرب إخواننا المُجنَّدين ويطمِّن أهاليهم عليهم، ويهدي حُكامنا للإنجاز الصَّح والشُغل اللي في صالح البلد، ويحمي البلد والأمة كلها من كيد الكائدين.. ويكشف الخونة اللي خانوا واللي بيخونوا..
***
سؤال: لو كان نفس الحادث حصل أيام مبارك، يا ترى كان حيبقى إيه رد فعله؟ هل يتنحرر عشان ينقذهم؟ فاكرين السواح اللي اتخطفوا في الصحرا وكان معاهم مصريين؟ فاكرين كان همّ مبارك إيه ساعتها؟ فاكرينه لما قال للمشير، أخبار السواح الألمان إيه وحلق تمامًا للمصريين؟! طب فاكرين بقى لما طلع إن القوات لا حرّرت ولا نيلة وإن الخاطفين هم اللي سابوا الرهائن من نفسهم؟!
طيب فاكرين لما السفير المصري في العراق اتقتل؟ فاكرين البلد انتفضت إزاي وعملوا اللي ما يتعمل عشان ما يتقتلش، واتقتل برضو؟
في سياق متصل بقى، فاكرين لما راجل غلبان اتخطف في العراق برضو، وقت الإحتلال الأمريكي.. والبلد حلقتله حلاقة تامَّة.. لدرجة إنه صِعب على الخاطفين فسابوا وإدوله هديَّة مصحف كمان؟!!
قال هيبة الدولة وكرامة المواطن قال!!
لو رسيوا على إنهم يدَّخلوا بالقوة ويحاولوا ينقذوا الرهائن، فمتوقَّع فحت إن الرهاين يموتوا.. ويبقى بس كسب إنه الناس اللي هناك تبقى عارفة إن الدولة دراعها مش مبيتلويش- حتة كمال الشناوي - بتصرف زي ده وعادي جدًا حتدِّخل والكل يموت والجنود المُختطفين لما يموتوا حيبقى شُهداء وقُضيت!
وطبعًا لا يمكن يكون أحسن الحلول، بس ما العمل لو دي إمكانياتك وده آخرك؟!
الناس متخيِّلة إن مصر فيها فرق إنقاذ على شاكلة الكوماندوز الأمريكاني ولا الفرنساوي حيشفلح الخاطفين ويسلِّك منهم المخطوفين من غير ما يتخدشوا!
وفي نفس الوقت لو قرَّر يسايس ويفاوض شُكرًا مش حتبقى أول ولا آخر مرة يتخطف فيها جنود، بل ممكن يبقى الهجوم على كماين الأمن والسجون اللي في سينا والقوات اللي هناك أمر مستساغ جدًا! هو already بيحصل بس حتبقى دَرمغة فعلًا!!
ونرجع نقول أساس المشكلة فين؟ ماهو الموضوع ده له سبب.. ممكن أوي يكون الخاطفين مزقوقين من برَّة فعلًا.. وارد.. خاصًة إن الفيديو بتاع المخطوفين ده بيرمي في السِّكَّة دي.. لكن ده مينفيش إن السبب الحقيقي اللي ورا القرف اللي في سينا ده إنها بقت مشاع وصحرا مستباحة بسبب اتفاقية كامب ديفيد وما تلاها من تفاهمات وغيره..
بصراحة اللي حصل في سينا ده على مدى الثلاثين ولا الأربعين سَنة اللي فاتوا ميتوصَّفش غير خيانة.. إزاي لحد دلوقتي بنعتبر سُكان سينا اللي هناك غيرنا وناس تانية مش مصريِّين وبيتفحتوا عند كل حدث يحصل هناك..
مش معتبرين سينا غير في المنتجعات السياحية وخلاص، إنما تنمية حقيقية تخلي الناس تزحف على هناك مفيش.. مستشفيات للأهالي هناك يروحولها مفيش غير بطلوع الروح! جامعات عِدلة حِلِّلي لسة قرار جامعة سينا طالع أُدامها بتاع أربع سنين عشان تبتدي تطلع خريجين بعدهم كام سنة عشان يؤثروا في سينا نفسها ويعمَّروها..
ربنا يفُك كرب إخواننا المُجنَّدين ويطمِّن أهاليهم عليهم، ويهدي حُكامنا للإنجاز الصَّح والشُغل اللي في صالح البلد، ويحمي البلد والأمة كلها من كيد الكائدين.. ويكشف الخونة اللي خانوا واللي بيخونوا..
***
سؤال: لو كان نفس الحادث حصل أيام مبارك، يا ترى كان حيبقى إيه رد فعله؟ هل يتنحرر عشان ينقذهم؟ فاكرين السواح اللي اتخطفوا في الصحرا وكان معاهم مصريين؟ فاكرين كان همّ مبارك إيه ساعتها؟ فاكرينه لما قال للمشير، أخبار السواح الألمان إيه وحلق تمامًا للمصريين؟! طب فاكرين بقى لما طلع إن القوات لا حرّرت ولا نيلة وإن الخاطفين هم اللي سابوا الرهائن من نفسهم؟!
طيب فاكرين لما السفير المصري في العراق اتقتل؟ فاكرين البلد انتفضت إزاي وعملوا اللي ما يتعمل عشان ما يتقتلش، واتقتل برضو؟
في سياق متصل بقى، فاكرين لما راجل غلبان اتخطف في العراق برضو، وقت الإحتلال الأمريكي.. والبلد حلقتله حلاقة تامَّة.. لدرجة إنه صِعب على الخاطفين فسابوا وإدوله هديَّة مصحف كمان؟!!
قال هيبة الدولة وكرامة المواطن قال!!
ليست هناك تعليقات:
إرسال تعليق