فيلم The King's Speech بيتكلم على الملك الانجليزي جورج السادس اللي اضطر يخلف أبوه بعد ما أخوه خلع من المُلك عشان كان عاوز يتجوز واحدة مطلقة بما يخالف تعليمات الكنيسة اللي الملك بيكون رئيسها، واضطر لكده على غير رغبته لأنه كان بيعاني من التأتاة في الكلام.
الفيلم شدّني جدا لأني أولا بيبقى صعب عليا أوي قصة التأتأة دي أما بأشوفها وبطل الفيلم Colin Firth أدى الدور بإبهار لا يوصف خلاني حاسس إني بأعاني نفس معاناته، وتجسيد الضغط النفسي الرهيب اللي بيتعرض له خصوصا مع فلتان أخوه وإنه نذير باضطراره تولي المُلك.. ومراحل علاجه واللي دخل فيها جانب نفسي كبير عن طريق متخصص أسترالي (اللي قام بدور ممثل أسترالي ودوره في الفيلم كان مبهر جدا Geoffery Rush) اللي ساعده يقدر يتجاوز اللعثمة دي في وقت انجلترا دخلت فيه الحرب العالمية مع ألمانيا وهتلر كان في عز جبروته.
الأفلام الانجليزي أم ممثلين انجليز دي لها رونق خاص كده يا جماعة، بتعمل مزاج ما بيعملوش غيرها.
ليست هناك تعليقات:
إرسال تعليق