كنت سمعت من شيخ قبل كده إن العلماء كّرهوا إنك تبقى مريّح ومأنتخ أوي كده مبتعملش حاجة في يوم الجمعة.. يعني حتى لو انت أجازة شوف أي حاجة تعملها إن مكنش activity بتعمله مع ناس وصُحبة صالحة، أو حتى تعمل حاجات للبيت.. شوف السخّان عندكو لو بايظ صلحه ولا حاجة :) الفكرة إن ربنا سبحانه وتعالى أهدانا يوم الجمعة لكن في الأول في الآخر إحنا أمة عمل ومفيش حاجة اسمها اليوم كله يبقى أنتخة.. اليوم كله عبادة آه.. بس مش شرط تكون العبادة دي كلها صلاة بس.. لأ..
حتى في الاعتكاف، مبيبقاش الاعتكاف كله صلاة وقراءة قرآن بس، لأ بتخدم في المسجد، تنظّف، تحضّر أكل.. لازم يبقى في شغل.. وكله في الآخر، عبادة :)
جمعة مباركة بإذن الله :)
ليست هناك تعليقات:
إرسال تعليق