أنا عايز أعرف هو اللي بيقول إن دي معركة الإخوان والعسكر، وزي ما الإخوان باعوا الثوار والثورة في محمد محمود حيكون لذيذ أوي التشفّي في صراعهم الآن مع العسكر.. ماشي الإخوان بصّوا للانتخابات في محمد محمود وغيره وغيره.. إنما بقى سعاتّك شُفت إيه من القوى "المدنيّة" في الوقت ده؟ واللي منهم قعد يجعجع ويتاجر بدم الشهدا وقتئذ يا ترى إيه موقفك منه النهاردة لما لقيته بينتخب "شفيق"..!!
أنا لا مع الإخوان، ورافض كتير من نهجهم أولها خلط العمل الدعوي بالسياسي في مواقف كثيرة.. إنما أساسًا الموضوع مش موضوع تأييدهم ولا اللي نازل الميدان دلوقتي ده بيدعّمهم.. أنا انتخبت مرسي مضطّر مش على قناعة ببرنامجه ولا برنامج حزبه، ودلوقتي أنا أدعّم رئيس الجمهورية المنتخب من الشعب، وبرفُض بلطجة العسْكر!!!
وبعدين بقى لما الحرية والعدالة يعلن فوز مرشحه في انتخابات الرئاسة - اللي شئ عادي جدًا في أي حتة في العالم فيها شفافيّة - ده يبقى خَرْق للقانون، ولما المجلس العسكري يروح يحلّ البرلمان كده من نفسه ولا قانون ولا هجص من ده، ويروح يطلّع قرار من وزير العدل يخلي ضابط الشرطة العسكرية والمخابرات الحربية من حقّه يقبض على المدنيين، ويعملّك إعلان دستوري هو مش مخوّل إنه يطلّعه أساسًا يكبّل فيه صلاحيات رئيس الجمهورية في بلطجة وعسْكرة فجّة لا "مبرر" لها.. كل ده ما يبقاش خرْق للقانون؟!!! اللي يقول كده يبقى - رسميًا - مؤيد ومحبّ وعاشق للحكم العسكري الاستبدادي - اللي مينفعش ميبقاش استبدادي - وبيرْضخ لبلطجة الجيش ومش شايف إن مصر تستحقّ حُكْم محترم قائم على الديمقراطيّة والكفاءة في تولي المناصب وفُل أوي بالنسبة له القرف اللي احنا عايشين فيه بقالنا أكتر من ستّين سنة..
أنا لا مع الإخوان، ورافض كتير من نهجهم أولها خلط العمل الدعوي بالسياسي في مواقف كثيرة.. إنما أساسًا الموضوع مش موضوع تأييدهم ولا اللي نازل الميدان دلوقتي ده بيدعّمهم.. أنا انتخبت مرسي مضطّر مش على قناعة ببرنامجه ولا برنامج حزبه، ودلوقتي أنا أدعّم رئيس الجمهورية المنتخب من الشعب، وبرفُض بلطجة العسْكر!!!
وبعدين بقى لما الحرية والعدالة يعلن فوز مرشحه في انتخابات الرئاسة - اللي شئ عادي جدًا في أي حتة في العالم فيها شفافيّة - ده يبقى خَرْق للقانون، ولما المجلس العسكري يروح يحلّ البرلمان كده من نفسه ولا قانون ولا هجص من ده، ويروح يطلّع قرار من وزير العدل يخلي ضابط الشرطة العسكرية والمخابرات الحربية من حقّه يقبض على المدنيين، ويعملّك إعلان دستوري هو مش مخوّل إنه يطلّعه أساسًا يكبّل فيه صلاحيات رئيس الجمهورية في بلطجة وعسْكرة فجّة لا "مبرر" لها.. كل ده ما يبقاش خرْق للقانون؟!!! اللي يقول كده يبقى - رسميًا - مؤيد ومحبّ وعاشق للحكم العسكري الاستبدادي - اللي مينفعش ميبقاش استبدادي - وبيرْضخ لبلطجة الجيش ومش شايف إن مصر تستحقّ حُكْم محترم قائم على الديمقراطيّة والكفاءة في تولي المناصب وفُل أوي بالنسبة له القرف اللي احنا عايشين فيه بقالنا أكتر من ستّين سنة..
ده اسمه فجر :(((((((((((
ردحذف