وصلت بعض الأخبار إن الاحتلال قدر يسيطر على بعض مواقع الفصائل في شمال قطاع غزة ووارد التوغل يزيد في الفترة الجاية وده شيء طبيعي لأن القصف مستمر بعنف غير مسبوق والمواجهات مستمرة بين الأبطال وبين الاحتلال مع شُح العتاد اللي مع الفصائل فطبيعي الاحتلال يقدر يتوغل في الأراضي نسبيا، لكن الحقيقة ده مش مهم خالص.. لأن الحرب الحالية مش حرب بين دولتين وصراع على الأرض، كده كده فلسطين تحت الاحتلال ودخول قوات الاحتلال بريا للقطاع لا يضيف انتصار لهم على الأرض، الفصائل تحارب حروب عصابات، بمعنى إنه بالعكس ده أنا اللي مستنيك تيجي عشان أباغتك من مسافة قريبة زي ما شوفنا في الفيديوهات. والمعركة مستمرة وطويلة جدا، الناس بقالهم ٧٥ سنة تحت الاحتلال يا جماعة وبالتالي عادي أما نسمع إن الاحتلال دخل كسب أرض او إن الفصائل انسحبت تكتيكيا من أرض عشان يساعدوا لضربات أخرى وهكذا.
باقول ده لأن إعلام الاحتلال حاليا يصور إن تقدم قواته في بعض مناطق عزة نصر في المعركة وهو في أشد الحاجة لتهدئة الجبهة الداخلية عنده حاليا لأن ناسه قالبين عليه لانه وبعد أكتر من شهر على انطلاق عمليته العسكرية مش قادر يحسم المعركة ولا قادر يعمل أي تطور فيما يخص الأسرى.
زي ما احنا؛ عاوز برضو أقول إن حملة المقاطعة المرة دي حقيقية جدًا والشركات متأثرة بها جدًا وفيه منهم اللي كل فترة يحاول يبيض وشه وينفي عن نفسه شبهة التعاون مع الاحتلال وده كان يستحيل يحصل زمان، كمان مطاعم كتيرة غيرت من سلسلة توريداتها وبقت تجيب منتجات مصرية لانها اللي رائجة حاليا كل ده كان بعيد المنال جدًا زمان.. والموضوع مسمع بفضل الله عندهم وفي إعلامهم، بقطع النظر عن أي حاجة فهو موقف أخلاقي واجب.
ليست هناك تعليقات:
إرسال تعليق