يبدو إنه مفيش فايدة

لسة سامع خبر أن فرد الأمن - أو الدفاع المدني - الذي انهال عليه مشجعو الترجي بالضرب قد فارق الحياة منذ قليل..

واضح إنه هذا المسلسل الغمّ، والمقرف، والحزين لن ينتهي.. مادامت هذه النفسيّات موجودة..

واضح إنه مسلسل الهمجيّة والتخلّف والعصبيّة الحقيرة سيظل حيّ بين العرب ولو حصل إيه!

وواضح إنه فعلاً فيه شعوب محتاجة حكّام يسففوها التّراب ويضربوها بالجزمة عشان تمشي على عجين متلخبطوش!

وواضح إن المصري - رسميّاً وبالحقائق - متهان برّه وجوّه من أهل بلده ومن غير أهل بلده برّه وجوّه.

وواضح إن الغباء متفشّي في أفراد الأمن اللي كانوا واقفين بيتفرجوا على الفقيد وهو بيضّرب لحد ما أغمى عليه.. وفضلوا يتفرجوا حتى بعد تدخل زميله عشان ينتشله من الكلاب دول وشايفين إن الواد فاقد الوعي ومش بيتحرّك..

وواضح إنها مش مسألة كورة.. دي شعوب عمرها محتألف لبعض غير بحكم من حديد.. غير بعدل يطبّق بقوّة وقبضة من حديد.

إحنا فعلاً دول متخلّفة عقليّاً وحركيّاً وحضاريّاً ونفسيّاً وكل حاجة في الدنيا.

ربنا يلطف بينا!.