يا سيدي أنا مش منتظر من المجلس العسكري إنه يبطّل نفخ.. ولا منتظر منه اعتذار.. ولا منتظر يتراجع عن تصريحاته..
بس ياخي شوية صياعة في الأداء طيب..
حنكة ومهارة!
مش كده!
ده الموضوع باين للقاصي والداني إنه فَبركة..
إيه الأداء التمثيلي الهابط ده؟!
نصيحة: متجيبوش بلطجيّة حقيقيّين من بتوعكو يقفوا قدام الكاميرات يمثّلوا إنهم قابضين ولا حياتهم فركشت فبيولعوا في البلد.. ابقوا هاتوا ممثلين من معهد السينما.. وادولهم بِشَل في وشّهم.. برضه الناس مش حتقتنع على فكرة.. بس على الأقل يبقى علملتوا اللي عليكو!
نفس الغلطة برضه بتاعة أحداث ماسبيرو.. الفيديوهات واضحة عياناً بياناً بدهس المدرعات للناس.. وتقولوا مكنش فيه دهس.. أو القوات المسلحة لا تستخدم العنف الممنهج ضد المدنيين.. وإنه ده مش من عقيدتها..
طب حنعدّيها ونقول العسكري خاف وهو جو المدرّعة وقال يا فكيك ودهس الناس..
طب بالنسبة للأمة اللي كانت بتجري تفتك بالمتظاهرين في الميدان دول.. إيه الوضع؟!
بالنسبة لكمية العساكر المجيّشين من الشرطة العسكرية اللي نفخوا المتظاهرين واحد ورا التاني؟
حتفبركوها إزاي دي؟
ماهو برضه ابقوا اعملوا حساب الفبركة وانتو بتنفخوا الناس..
لا يمكن يكون الضّرب بالنفخ ده وتقوللي الضرب مكنش ممنهج!
أنا حقول معاك دول كانوا بلطجيّة وبيروّعوا الناس..
طب ليه دول بس اللي بنلاقي ماشاء الله قوة رهيبة في التصدي ليهم.. وفـ نفس الوقت بلطجية الشارع اللي بيثبّتوا الناس زي الفل وعيشتهم بتتبغدد يوم ورا التاني؟!
ولو هي أياد خارجية وقوى خفية وحركات سحرية؟ فين المخابرات العسكرية والمخابرات العامة والأمن الوطني؟ مش عارفين تضبطوهم ليه؟
ولو قافشين حاجة على 6 إبريل مطلّعوها وخلاص ولا هي سلّيوة ولبانة أي خراب في البلد يبقى سببه 6 إبريل؟
هو مين اللي عمل الدماء والخراب عشان ييجي مانشيت الأخبار العرض عرضين يقوللي: كفانا خرابا ودماء؟
وبعدين طالما هو فعلا المجلس معندوش حاجة يخبّيها.. ميطلّع اللي عنده بخصوص الأيادي الخفية والأصابع السحرية عشان نبقى على نور ولا مستنيين سيربرايز بارتي عشان تعلنولنا عن الناس دي؟
"إ.. إ.. غسيل.. في بلكونة مواطن.. وقعت منه شوية مية صغيرة.. إحم.. على غسيل بلكونة المواطن اللي تحتيه.. والظاهر إنها ميّة مش ولابدّ يعني.. بس.. إ.. إ.. تقوم تتحوّل لإشاعات مؤسفة.. عشان يتصوّر للعالم.. إن فـ مصر.. فتنة.. طائفيّة..
فيه ناس بينفخوا في النار!..
وبيستخدموا الأولاد والصّبيان الصغيّرين دول.. وقـــود.. لهذه النّـــار!
أنا بحذّرهم جميعاً.. وبقوللهم.. إن الديمقــراطيــــة.. لها.. أنيــــاب"
والله الموفق!
بس ياخي شوية صياعة في الأداء طيب..
حنكة ومهارة!
مش كده!
ده الموضوع باين للقاصي والداني إنه فَبركة..
إيه الأداء التمثيلي الهابط ده؟!
نصيحة: متجيبوش بلطجيّة حقيقيّين من بتوعكو يقفوا قدام الكاميرات يمثّلوا إنهم قابضين ولا حياتهم فركشت فبيولعوا في البلد.. ابقوا هاتوا ممثلين من معهد السينما.. وادولهم بِشَل في وشّهم.. برضه الناس مش حتقتنع على فكرة.. بس على الأقل يبقى علملتوا اللي عليكو!
نفس الغلطة برضه بتاعة أحداث ماسبيرو.. الفيديوهات واضحة عياناً بياناً بدهس المدرعات للناس.. وتقولوا مكنش فيه دهس.. أو القوات المسلحة لا تستخدم العنف الممنهج ضد المدنيين.. وإنه ده مش من عقيدتها..
طب حنعدّيها ونقول العسكري خاف وهو جو المدرّعة وقال يا فكيك ودهس الناس..
طب بالنسبة للأمة اللي كانت بتجري تفتك بالمتظاهرين في الميدان دول.. إيه الوضع؟!
بالنسبة لكمية العساكر المجيّشين من الشرطة العسكرية اللي نفخوا المتظاهرين واحد ورا التاني؟
حتفبركوها إزاي دي؟
ماهو برضه ابقوا اعملوا حساب الفبركة وانتو بتنفخوا الناس..
لا يمكن يكون الضّرب بالنفخ ده وتقوللي الضرب مكنش ممنهج!
أنا حقول معاك دول كانوا بلطجيّة وبيروّعوا الناس..
طب ليه دول بس اللي بنلاقي ماشاء الله قوة رهيبة في التصدي ليهم.. وفـ نفس الوقت بلطجية الشارع اللي بيثبّتوا الناس زي الفل وعيشتهم بتتبغدد يوم ورا التاني؟!
ولو هي أياد خارجية وقوى خفية وحركات سحرية؟ فين المخابرات العسكرية والمخابرات العامة والأمن الوطني؟ مش عارفين تضبطوهم ليه؟
ولو قافشين حاجة على 6 إبريل مطلّعوها وخلاص ولا هي سلّيوة ولبانة أي خراب في البلد يبقى سببه 6 إبريل؟
هو مين اللي عمل الدماء والخراب عشان ييجي مانشيت الأخبار العرض عرضين يقوللي: كفانا خرابا ودماء؟
وبعدين طالما هو فعلا المجلس معندوش حاجة يخبّيها.. ميطلّع اللي عنده بخصوص الأيادي الخفية والأصابع السحرية عشان نبقى على نور ولا مستنيين سيربرايز بارتي عشان تعلنولنا عن الناس دي؟
"إ.. إ.. غسيل.. في بلكونة مواطن.. وقعت منه شوية مية صغيرة.. إحم.. على غسيل بلكونة المواطن اللي تحتيه.. والظاهر إنها ميّة مش ولابدّ يعني.. بس.. إ.. إ.. تقوم تتحوّل لإشاعات مؤسفة.. عشان يتصوّر للعالم.. إن فـ مصر.. فتنة.. طائفيّة..
فيه ناس بينفخوا في النار!..
وبيستخدموا الأولاد والصّبيان الصغيّرين دول.. وقـــود.. لهذه النّـــار!
أنا بحذّرهم جميعاً.. وبقوللهم.. إن الديمقــراطيــــة.. لها.. أنيــــاب"
والله الموفق!
تسلم ايديك
ردحذفتسلم ايديك
ردحذفرائعه
ردحذف