مذكرات مرشّح فلولي - هأو.. عليكو واحد

هاهّاهاااااااااااااااااي..

والله وعملوها الرجالة.. ورفعوا راسي في وسط ناسي وحتّتي..

ووقفتوا وقفة رجالة..

كررررررررررررر..

مكنتش أتصور أني أضبط الولا بتاع الإخوان في الإعادة..

بالك؟

أنا كنت بقول يا حفوز عليه في أولها.. يإما ع الدنيا السّلانكاتيه!

أصل الجيش مأمّن اللجان وبتاع وعامل فيها قال إيه حقّاني وانا عندي الضغط!

فكان لازم الاعتماد على حاجتين مالهمش تالت..

الناس حتفرهد.. وحتروح الحماسة والحزقة اللي كانت واخداهم في الجولة الأولى..

وتأييد التيارات التانية اللي مش عايزة الإخوان يكتروا في المجلس!

قال يعني كده مجلس الشعب مش حيبقى فيه إخوان..

وانا لا فارقة معايا لا فكر ولا ترشيح ولا دياولو..

أنا اللي هاممني إني أخش المجلس وخلاص..

هييييييييييييييه.. فين أيامك يا وطني..

دانا وطني وطني بطنطن..

مكنش الواحد في عوزة للفرهدة والفكر والتكتيكات دي كلها..

كانت المباحث بتقوم بالواجب..

لكن يلا..

خيرها في غيرها..

واهو غيرها جه..

كرررررررررررررررر