هو ليه الناس مفترضة إنه عشان أبقى صاحب مبدأ مينفعش الناس كلها تحبّني.. مس يمكن عشان أنا صاحب مبدأ الناس كلها بتحبّني.. ليه الناس رابطة إنه عشان أبو الفتوح إسلامي وتاريخه إسلامي يبقى مينفعش ناس منتمية للفكر اليساري ولا الليبرالي تحبّه.. هو قال إيه مخالف لصريح الدّيــن؟ وليه أنصار التيارات الليبرالية واليسارية يخــوّنوا ناس منهم شافوا في أبو الفتوح رجل المرحلة..
هو مين اللي قال إن الانتساب للفكر الإسلامي في الحياة عمومًا يعني إقصاء الآخرين ورفضهم وضرورة الصدام معاهم.. مين اللي قال إني عشان أبقى إسلامي لازم أنفخ أي ليبرالي أسمعه وأُنكر كل ما يقول.. مين اللي قال إنه لما تيارات كتيرة من المجتمع تشوف في واحد إنه رجل المرحلة يبقى الرجل ده كدة متلوّن ومنافق وبمئة وشّ!!
هو إحنا للدرجة دي.. أدمنّا الاستقطاب؟؟!!
ليست هناك تعليقات:
إرسال تعليق