في الطريق مع ابن أختي - تانية ابتدائي للصلاة:
------------------------------
عمرو: عارف، أنا عايز يبقى عندي عربيتين بي إم دبليو ألماني، وواحدة من اللي سقفها بيتفتح دي.
أنا: اتنين بي إم دبليو؟ ليه؟
عمرو: عادي. وعايزها م اللي بيبقى فيها مكان لزجاجات المياه والصودا..
أنا: ...
عمرو: وعايز يبقى عندي فيلا كبيرة وكلبين حراسة ضُخام جدًا وأربع أفراد أمن.
أنا: ...
عمرو: وكلب صغير في الجنينة.
أنا: هو مش فيه كلبين خلاص؟
عمرو: أيوة دول حراسة!
أنا: طب انت عايز تشتغل إيه عشان الكلام ده كله؟
عمرو: أبقى عالم كبير.
أنا: عالم كبير، والعالِم حيجيب الكلام ده كله؟
عمرو: أيوة ماهو عالِم غني.. بياخُد فلوس كتير!
أنا: ...
ليست هناك تعليقات:
إرسال تعليق