معيار الكفـــاءة..
ربنا رزقك بعقل.. وإمكانيات معينة وظروف معينة،
وحتتحاسب بناءً على كده،
فانت حتتحاسب على إيه اللي كنت "تقدر" تعمله..
ومش حتتحاسب على إيه اللي كان ممكن يحصل!
فبطَّل وَلْوَلة.. وزيطة وزمبليطة ع اللي بيحصل.. في مصر وفي العالم..
وشوف انت آخرك تعمل إيه؟
يعني كفائتك تتقاس:
اللي انت عملته / اللي كان ممكن تعمله
مش:
اللي انت عملته / اللي كان ممكن يتعمل بصفة عامة..
فقياس كفائتك مينفعش يتم على قرارات الحكومة الغلط، ولا انتهازية بعض
المعارضين، بس كفائة عملك في الدنيا تتقاس على تصرفك "انت" حيال الموضوع
ده، وكان ممكن تعمل إيه في هذا الصدد ومعملتوش..
لو آخرك حيال اللي
بيحصل في البلد كلمة عاقلة موضوعية للي حواليك، وإنك تمسك عليك لسانَك في
اللي مبتفهمش فيه أو اللي متعرفوش.. وعملت كده بإخلاص كامل لله، يبقى
كفائتك في هذا الصدد: 100%..
ونفس الكلام على قتل بشار للسوريين مثلًا، إنما كان ممكن تعمل إيه لسوريا ومعملتوش؟ حتى لو كان الدُعاء ده آخرك، ليه متدعيش؟
لو آخرك تدعي لسوريا بس، ودعيت بإخلاص يبقى انت كفائتك في هذ الصدد: 100%. فشوف انت تقدر تعمل إيه واعمله..
متشغلش بالك بقى بالصخب والزعيق والحنجرة الفارغة دي..
-------------------
*مستوحاة من معيد كان بيدرسلي في الكلية، جزاه الله عني خيرًا كثيرًا*
ليست هناك تعليقات:
إرسال تعليق