إحْنا منهارين.. منهارين..

طب أنا أحب ألفت نظر بس "الراجل" اللي مقضّيها حرق في البلد بس إنه ناسي حاجة مهمّة أوي، يبدو إنه سُهى عليه يصدّر لنا "تامر من غمرة" والراجل بتاع "أم الدنيا" وكمان الست بتاعة "مصر بتتحرق" يتكلموا في برامج الإعلام كلها عشان يحسسونا إنه في واحد بيحرق في البلد.. يا جماعة ما الموضوع كده مش جايب همُّه.. يعني حرام عليكو عمر أفندي الراجل لسة شاريه وكده تولّعوا فيه بدمّ بارد.. ومستفدتوش حاجة من حرقه.. أيوة مانتو ناسيين الشقّ الإعلامي بتاع الموضوع.. لازم يبقى فيه ولولة ومظاهرات في مصطفى محمود - لأن العباسية مشغولة دلوقتي - تطالب المجلس إنه يقعد بقى عشان استقرار "الأوضاع".. فبس عشان نوصل للنتيجة قبل ما البلد كلها تتحرق ع الفاضي..

خلاص يا عم "الراجل اللي بيحرق في البلد" إحنا منهارين أوي.. منهارين خالص.. أنا خايف أوي.. بليز ستوب إِت.. مصر بتتحرَق.. مصر بتتحرَق.. دول عاملين جمعة "النهاية".. نهاية مييين.. إهئ إهئ.. وحياة أبوك ولا وحياة أمك أيُّهم أغلى يعني عليك خلاص عرفنا إنك جامد أوي وممكن تحرق البلد كلها خلااااااص!!!