تلاقي السّت فقيرة ومُعْدمة وقد لا تجد ميّة تشربها، ولا عندها صرف صحي آدمي تعيش عليه، ولا يعولها أحد، بل ربما تعول هيّ بناتها اللي لسّة متجوّزوش.. وعايشة فـ عشوائيّات غير آمنة، وبقالها ع الحال ييجي ثلاثين سنة.. وسبحان الله.. تقوللك أنتخب عمرو موسى..
ولا سوّاق التاكسي اللي كان كَفْران دوريّة نهار ودوريّة ليل.. ومش عارف يسدّد حق قسط العربيّة.. اللي شغّالة على جاز مبيلاقيهوش.. ويرجع مهدود الحيل.. وبقاله ع الحالة دي ييجي عشر سنين.. ودلوقتي.. تشوف قراره في التصويت.. مين اللي حيدّيله صوته عشان يتغيّر حاله للأحسن.. تلاقيه يقوللك موسى ولا شفيق!!
هوّانتو كنتو شُفتو منهم خير قبل كده لما حتدّوهم الرئاسة كمان.. مش كنتو بتقولوا حسني كويس بس اللي حواليه همّا اللي فاسدينه.. إن ماكانوش دول اللي حواليه.. فممتوقّعوش إنهم حيغيّروا البطانة اللي كانت حواليه.. يغيّروها ليه؟! ومكنوش اتكلموا قبل كده ليه؟! شافوا الفساد والقرف اللي ودّى حسني وزمايله السجن ومتكلموش ليه؟!
واحد كان بينكّت لحسني عشان يبقى اللذوذ بتاعه.. والتاني طوول عمره تلميذه..
انتو فعلا شايفين مصر مكنتش تستحقّ أحسن من كده؟!
ليست هناك تعليقات:
إرسال تعليق