طا.. الحمد لله وصلنا لمرحلة الإعادة.. وعلمنا بنسبة 99.99% إن الإعادة إن شاء الله بين مرسي وشفيق، أنا مش عايز الناس تتضايق.. أيوة.. نطبّق نظرية خليك بارد وتنح.. ليه بقى؟ لأن الضيقة وكدة مش حتيجي غير على صحّتك أحبيبي.. بجد.. لازم ناخد المواضيع بشكل موضوعي كده عشان مش لازم يجيلنا ضغط ولا سُكّر واحنا شباب يعني.. ربنا يعافينا.. أنا بس حلامؤخذة حازق في نفسي كلمتين أحبّ أفضفض بيهم.. وده برضُه من باب الحفاظ ع الصّحّة.. ومن باب خليك بارد..
- إلى السادة "الثّوّار"، ماشاء الله عليكم ساعدتّم بتشتّتكم وتفرقّكم الحمد لله الكعكة اللي انتو قاعدين تتخانقوا عليها طارت من إيديكو.. وثبتت النظريّة فعلا إنكم آخركم ميدان التحرير، أما لما جيتوا تلعبوا سياسة كل واحد فيكو اللي حواليه نفخوه وخلوه أد البرميل.. ليه يكون تابع لغيره - على أساس إن الاتحاد تبعيّة وقلة شخصيّة - فعشقتم الاستقطاب.. فكل واحد فيكو بقى عايز يبقى هو الملك لحد ماى جِه اللي بيلعبوا سياسة بقالهم عقود أنْطروكو برّة.. على فكرة فُل، مفيش لوم ولا حاجة.. بس متوأوؤوش بقى وهوبّا الميدان ضاع هوبّا ده كان بصْباع والكلام ده.. نتكتم ونشوف نعمل إيه في اللي جايّ..
- إلى جماعة الإخوان، أثبتت الفترة اللي فاتت دي إنكم أصحاب مبادئ.. لا فعلا من ناحية المبادئ اللي مبتتجزّأش انتو أصحاب مبادئ مبتتجزّأش.. بس للي في صالح "الجماعة".. أما قياسها بقى إيه اللي صالح مصر ففاكس.. المهم وحدة الصّف الجماعي "الإخواني" وخلاص.. انتخابات برلمان بقى انتخابات رئاسة كان ممكن تُدار منكم بشكل يخرّجنا من القرف اللي وقعنا فيه ده بكل سهولة.. كله تفكير في مصلحة الجماعة وفقط.. براحتكو فعلا.. دي حقيقة.. بس التعامل بعد كده حيبقى بالشكل الانتهازي ده من الطّرفين برضُه.. يعني محدّش حيقف جنبكو غير لو حسّ إن مصلحته معاكو.. محدش حيتعاطف معاكو غير لما ميبقاش أدامه غير "المصلحة" معاكو.. يعني أنا شخصيّا في الإعادة صوتي لمرسي.. بس ده مش عشان مشروع النهضة "اللي مش مقتنع به أصلا" ولا عشان انتو بتمثّلوا الإجماع للتيار الإسلامي.. بالنسبة لي انتو فريق سياسي زيّه زي أي فريق سياسي موجود.. لكن صوتي ليكو عشان مينفعش أدي صوتي لأحد رموز النظام القديم.. مبشتاقش أنا للقهر والبلطجة وقلة الكرامة بتاعة نظام حسني مبارك.. فمصلحتي دلوقتي معاكو.. انتهازيّة سياسيّة أيوة..
- وإلى اللي صوّتوا لشفيق، فمرسي (شكرًا يعني) ع اللبوس ده، وان كنتو عملتوا كده عشان سفيق ييجي يلمّ "العيال بتوع التحرير".. ففُل أوي.. بس ياريت منسمعش حسّكوا بقى لما "الاستقرار" يبوظ، وعجلة الانتاج تفسّي.. لومكم كله يبقى على شفيق.. هو اللي حيجيب الاستقرار.. وإذا كان انتو فعلا مش قادرين تقتنعوا بإن مصر كان ممكن تستحق أحسن م القرف اللي كانت عايشاه أيام حسني مبارك.. فلما نعمل لكم إيه مش حتغيّروا فكركم.. انتو انتخبتوه أساسًا وانتو متعرفوش برنامجه.. انتو انتخبتوه عشان بتعزّوا أوي أسلوب تعامل النظام القديم مع المصريّين.. وقيسوا انتو بقى شوفوا كرامة المصري جوة البلد كانت عاملة إزاي وبرة البلد عاملة إزاي.. ويبقى مقدار الكرامة دي هي اللي مناسبة ليكو أوي.. انتو مش شايفين إننا نستحق أكتر من كده!!
- وأحب أحيّي المجلس العسكري إنه أدار الفترة الانتقالية - اللي حتبقى دائمة لو شفيق كسب - بمنتهى الحرفيّة، اللي من خلالها كرّه الشعب المصري كله في الثورة.. وخلى قطاع كبير منهم يصوّتوا.. بمنتهى الحريّة.. لأحد ممثلي نظامه القديم.. لا لشئ.. إلا عشان يلمّ البلد.. قال يعني المجلس العسكري كان عارف يلمّها..
الخلاصة: خليك بارد وتنّح.. والأمل كبير إن شاء الله بس مش لازم دلوقتي يعني!
- إلى السادة "الثّوّار"، ماشاء الله عليكم ساعدتّم بتشتّتكم وتفرقّكم الحمد لله الكعكة اللي انتو قاعدين تتخانقوا عليها طارت من إيديكو.. وثبتت النظريّة فعلا إنكم آخركم ميدان التحرير، أما لما جيتوا تلعبوا سياسة كل واحد فيكو اللي حواليه نفخوه وخلوه أد البرميل.. ليه يكون تابع لغيره - على أساس إن الاتحاد تبعيّة وقلة شخصيّة - فعشقتم الاستقطاب.. فكل واحد فيكو بقى عايز يبقى هو الملك لحد ماى جِه اللي بيلعبوا سياسة بقالهم عقود أنْطروكو برّة.. على فكرة فُل، مفيش لوم ولا حاجة.. بس متوأوؤوش بقى وهوبّا الميدان ضاع هوبّا ده كان بصْباع والكلام ده.. نتكتم ونشوف نعمل إيه في اللي جايّ..
- إلى جماعة الإخوان، أثبتت الفترة اللي فاتت دي إنكم أصحاب مبادئ.. لا فعلا من ناحية المبادئ اللي مبتتجزّأش انتو أصحاب مبادئ مبتتجزّأش.. بس للي في صالح "الجماعة".. أما قياسها بقى إيه اللي صالح مصر ففاكس.. المهم وحدة الصّف الجماعي "الإخواني" وخلاص.. انتخابات برلمان بقى انتخابات رئاسة كان ممكن تُدار منكم بشكل يخرّجنا من القرف اللي وقعنا فيه ده بكل سهولة.. كله تفكير في مصلحة الجماعة وفقط.. براحتكو فعلا.. دي حقيقة.. بس التعامل بعد كده حيبقى بالشكل الانتهازي ده من الطّرفين برضُه.. يعني محدّش حيقف جنبكو غير لو حسّ إن مصلحته معاكو.. محدش حيتعاطف معاكو غير لما ميبقاش أدامه غير "المصلحة" معاكو.. يعني أنا شخصيّا في الإعادة صوتي لمرسي.. بس ده مش عشان مشروع النهضة "اللي مش مقتنع به أصلا" ولا عشان انتو بتمثّلوا الإجماع للتيار الإسلامي.. بالنسبة لي انتو فريق سياسي زيّه زي أي فريق سياسي موجود.. لكن صوتي ليكو عشان مينفعش أدي صوتي لأحد رموز النظام القديم.. مبشتاقش أنا للقهر والبلطجة وقلة الكرامة بتاعة نظام حسني مبارك.. فمصلحتي دلوقتي معاكو.. انتهازيّة سياسيّة أيوة..
- وإلى اللي صوّتوا لشفيق، فمرسي (شكرًا يعني) ع اللبوس ده، وان كنتو عملتوا كده عشان سفيق ييجي يلمّ "العيال بتوع التحرير".. ففُل أوي.. بس ياريت منسمعش حسّكوا بقى لما "الاستقرار" يبوظ، وعجلة الانتاج تفسّي.. لومكم كله يبقى على شفيق.. هو اللي حيجيب الاستقرار.. وإذا كان انتو فعلا مش قادرين تقتنعوا بإن مصر كان ممكن تستحق أحسن م القرف اللي كانت عايشاه أيام حسني مبارك.. فلما نعمل لكم إيه مش حتغيّروا فكركم.. انتو انتخبتوه أساسًا وانتو متعرفوش برنامجه.. انتو انتخبتوه عشان بتعزّوا أوي أسلوب تعامل النظام القديم مع المصريّين.. وقيسوا انتو بقى شوفوا كرامة المصري جوة البلد كانت عاملة إزاي وبرة البلد عاملة إزاي.. ويبقى مقدار الكرامة دي هي اللي مناسبة ليكو أوي.. انتو مش شايفين إننا نستحق أكتر من كده!!
- وأحب أحيّي المجلس العسكري إنه أدار الفترة الانتقالية - اللي حتبقى دائمة لو شفيق كسب - بمنتهى الحرفيّة، اللي من خلالها كرّه الشعب المصري كله في الثورة.. وخلى قطاع كبير منهم يصوّتوا.. بمنتهى الحريّة.. لأحد ممثلي نظامه القديم.. لا لشئ.. إلا عشان يلمّ البلد.. قال يعني المجلس العسكري كان عارف يلمّها..
الخلاصة: خليك بارد وتنّح.. والأمل كبير إن شاء الله بس مش لازم دلوقتي يعني!
ليست هناك تعليقات:
إرسال تعليق