دعوات المقاطعة هي تلبيس واضح وصريح للي ناوي يقول "لا" للدستور، ورصيد زي الفل للي ناوي يقول "نعم". فأحب أقول إنك لو رافض الدستور يا ريت تحشد للتصويت بـ "لا"، لإن المقاطعة للاستفتاء لن تفقده الشرعيّة، ومعلش خلينا صُرحاء مع بعض، دعوات المقاطعة مش حتسقَّط المشاركة في الدستور خالص.. فيه قطاع كبير حيقول "نعم"، فلو انت فعلًا عايز دستور جديد بجمعية تأسيسيّة جديدة ينتخبها الشعب بنفسه بعيدًا بقى عن أي تفاهمات سياسيّة من شوية الألاضيش اللي مش هاممهم غير تورتة الحُكم، احشد وفهّم الناس ليه التصويت بـ "لا" هو الصح!
فإذا نجح "رفض" الدستور، علينا الضغط من أجل اصدار قانون انتخاب الجمعية التأسيسيّة اللي نشوفه يضمن تمثيل مصر جُغرافيًا، وطوائف الشعب كلها، وطبقاته العُمالية كلها.
أما المقاطعة، فهي الحقيقة بالنسبة للاستفتاء اللي جَيّ ده بالذات - في رأيي - عمل سلبيّ بحت!
وفي النهاية، ربنا يوفق أهل البلد يقودوها للخير، والحرية، والتنمية، والازدهار، والكرامة، والعدالة :)
ليست هناك تعليقات:
إرسال تعليق